گونئي آذربايجان ميللي اويانيش حركاتي نين تئوريسيني و اردملي اؤنده ري ، سايين دوقتور چاغري به ي چؤرهره قانلي جنابلارينا گونئي ده ن آچيق بير مكتوب
دونيالار دولوسو سئوگي وسايغيلارلا !
گؤزه ل آذربايجانيميزين غئيرتلي اوغلو ، آذربايجان ميللي حركاتي نين تئوريسين و اردملي رهبري سايين دوقتور چاغري به ي چؤهره قانلي جنابلاري ! ايلك اؤنجه اولو تانريدان سيزه اوزون عؤمورلرو جان ساغليغي ، آذربايجانيميزا و مظلوم خالقيميزا قورتولوش ديله ييره م . سيزه بو مكتوبو يازماقدان اسا س مقصد آذربايجان ميللي حركاتينا عاييد بير نئچه گونده ليك قونولار حاقدا ، سيزينله دانيشماق ايسته ييره م . سايين ميللي اؤنده ريميز ! بيلدي يينيز كيمي ، آذربايجان خالقي خورداد آييندا ، دوغروداندا ميللي بير قالخينجدا تايسيز حماسه لر ياراداراق ، بوتون دونيانين بؤلگه سل پولئتيكا اوزمانلاري نين بؤلگه يه عاييد فيكير و اؤن گؤرمه لري نين سينيرلاريني سينديردي . بو حماسه لرين دولاييسيلا بؤلگه ده آذربايجان خالقي نين بير ائتكيلي خالق اولدوغونو بوتون دونيا پولئتيكاچيلاري طرفينده ن قئيد اولوندو .
بونونلا ياناشي ، فارس شوونيسمي ، ايللر بويو بوتون پلانلاديقلاريني بيرده ن بيره ائتكيسيزو يارارسيز گؤره ره ك ، آذربايجان خالقينا قارشي ، الينده ن گلني اسيرگه مه ده ن ، ايسته ر دينچيسي ايسته ردينسيزي ، ال بير اولوب آرديجيل اولاراق يئني پلانلار حاضيرلاماقلا مشغول اولموشلار . فارس شوونيسمي كي ، آذربايجان خالقي نين يانيندا هر بير شئيي اودوزموش ، اوز-اوزه يوخ ! بلكه آذربايجانچيليق ايديعاسي ايره لي سوره ن بعضي آذربايجانليلاري قوللاناراق ، آرتيق آذربايجان خالقيني يئنيلمه سيني دوشونوبدور . البته فارس شوونيسمي بونو ياخشي بيلير كي ، آذربايجان خالقي بو توزاقلارا دوشن دئييلدير ، بو ايشلر گلگين بير سئلين قارشيسينا بئلچه ايله تورپاق آتماق دئمكدير .
سايين ميللي اؤنده ريميز! سيزين ايچه ريده دورومون نيته لي يينده ن كسينليكله خبرينيز واردير ! دوغروداندا شوكورلر اولسون كي ، آذربايجان خالقي ، دوست و دوشمنلري نين كيم اولدوغونو آرتيق ياخشي باشا دوشموش ، ائله اونونچوندور كي هر بير ائوين به زه يي آذربايجانيميزين اولو اؤنده ري نين شه كيللري و قوتلو بايراغيميزاولوبدور. گنجلريميزهر بير ييغيجاقدا "كوچه لره سو سپميشم "ماهني سيني اوخوماقلا اؤز رهبري نين يولونو گؤزله مه سيني دئمك ايسته يير .
او كي قالدي گون آذ تي وي حاقدا ايسه دئمه لي يم كي ، بو تيليويزيا كانالي سيزه و آذربايجانيميزين قوتسال بايراغينا قارشي منفي موناسيبت گؤسترديكده سونرا آرتيق دوشمان كانالينا چئوريله ره ك بوتون ايزله ييجيلريني الده ن وئريبدير. بونون دولاييسيلا آذربايجان ميللي حركاتينا بير اولوسال تيلويزيانين يئري نين بوشلوغو داها چوخراق دويولور. اوميد كي ، تئزليكله بير ميللي تيليويزيا كانالي آچيلاراق خالقيميز او كانالدان يالنيز اؤز دردلري نين دئييليب آچيقلاما سيني ايزله سين . (سيزده ن ريجا اولونورتئزليكله بير ميللي تيليويزيانين آچيليشيني اؤن پلاندا گؤره سينيز )
.
اؤيره ندي ييميز باشقا بير بيلگي يه گؤره ، بايبك سيته سي ايسه بير چئشيد بيلگي سايار تئخنولوگيلرده ن قوللاناراق ، اوسيته ده ن گؤروش آپارانلارين آي پي و تئلئفون نومره لريني راحاتجاسينا الده ائدير . بونون دولاييسيلا ، تعمدي اولارق ، بو سيته گاموح حاقدا تخريباتلاريني آرتيريب گونده مه قوياراق ، او تخريباتلارا قارشي تپكي گؤستره نلرين تئلئفون نومره لريني حؤكومه ته يئتيرمك ايمكاني چوخدور؛ بو تئخنولوگييا بو سايتين ايمكانلاري نين بيري دير ، اوندان علاوه بو سايتين باشقا ايمكاني ايسه بو سيته ده ن گوروش آپارانلارين بيلگي سايارلاريندان جاسوسلوق ائده ره ك ، بير چوخ بيلگيلري الده ائدير. ( بئله بير تئخنولوگيده ن يارارلانماق جاسوسلوقدان باشقا هئچ بير آماج ايله اويغون دئييلدير؛ بازتاب سيته سي ايسه بو نؤوع تئخنولوگيده ن قوللانير )
اوزده ن ايراق مسعود اينطيظار كيمي بيرده ن بيره گؤبه لك واري پيرتلاييب چيخانلارو بئلنچي آذربايجان خالقي نين بوتون ده يه رلريني هده له يه نلر، ميللتده ن وياخود ميللتچي اولابيلرمي ؟ !
آتالاريميز ياخشي دئميشلر : گؤرسه نن كنده قلاووزگره ك دئييل ! فارس شوونيسمي ايله تخريبات آپارانلار آراسيندا آذربايجان خالقينا قارشي اورتاق آماج آچيق آشكار گورونمكده ديردئمك ميللتچيليك ايدعاسي ايله آذربايجان ميللي حركاتيندا ايختيلاف تؤره ديب تخريبات آپارانلار، فارس شوونيسمي نين باشقا بير وئرسيونو دور ، آمما اوزده ن ايراق تخريبات آپاران( مثلا ، سؤزده ) ميللتچيلر ! فارس شوونيسمينده ن داها قات-قات آلچاقديرلار ؛ چونكي اونلار بير طرفده ن اؤزلريني ميللتچي تانيتديراراق اؤزلريني ميللتده ن اولدوغلاريني گوستريرلر، او بير طرفده ن ايسه آذربايجان خالقي نين ميللي وارليغيني ، ميللي ده يه رلريني و هر شئي ده ن اؤنملي ايللر بويو هزينه قويوب الده ائتكلريني هده له ييب آرادان آپارماق ايسته ييرلر .
ايران كيمي بير اؤلكه ده ، چتين و آغير بير شراييط ده ، 1382-جي ايلده بابك قالاسيندا ان آزي اونلارمين آذربايجانلي نين چئينينده قالديريلاراق دالغالانديريليب سس وئريلن بايراغا قارشي منفي تپكيسي اولان كيمسه لر ، ميللتچي يوخ ! بلكه ميللتين ان رحمسيز دوشمنلريديرلر . بو آزغينلاردان سورمالي ييق سيز بو بايراغي خالقين الينده ن آلارق هانكي بير بايراغي اؤنه ريرسينيز كي ، اونون آرخاسيندا ميليونلار يوخ ! نئچه يوز نفرين سسي اولسون ؟ ! بونلاردان سورمالي ييق ، سيزكي اؤزونوزو ميللتچي آدلانديريرسينيز ،سيزين بو داورانبشلارينيز بابك قالاسيندا آذربايجانين قوتسال بايراغيني قالديران آذربايجانليلارا و بايراغا وئرديكلري سسه سايغي سيزليق دئييلديرمي ؟!
بوندان علاوه ، ائولرده دووارلاردان آسيلان بايراقلاري دوغروداندا كيمسه ائنديره بيلمز ! ماهنيشاندا ياشانان اولاي بونون ان كيچيك بير اؤرنه يي ايدي . ايندي اؤنم داشييان خالقيميزين دوشوندوكلري دير كي، خالقيميز اؤز اؤنده رينه هرزامانكي كيمي صاحيب چيخير ، عئشق اولسون خالقيميزا كي ، كيمين كيم اولدوغونو ياخشي دوشونور، واخت گلر كي بو خايينلرين جاوابلاريني خالق اؤزو وئره جكدير .
بوتخريبات آپارانلار اؤزلريده ياخشي بيليرلركي ، اونلارين گؤردوكلري ايش هاردان قايناقلانير!
بو آرادا حقيقي و گئرچك ميللتچي لرده ن ريجا اولونور، تخريبات آپارانلاري و آذربايجان خالقينا دوست گئييمينده ، دوشمنليك ائديب آذربايجان ميللي حركاتي نين ايچه ريسينده اينديكي حساس بيردورومدا آيريليق سالماق آماجي ايله چاليشانلاري اؤز باشلارينا بوراخسينلار ، چونكي اونلار اؤزلري نين يئكه لمه لريني ، بو آلچاق داورانمالارينا گؤسته ريلن تپكيلرده گؤرورلر ، باشقا سؤزله اونلارا قارشي تپكي گؤسته ريلديكده اونلار اؤزلريني آدام سانيرلار. بو ايكي جوت بير تك اؤلوبيتلرين اولوب- اولماماقلاري عئينيدير ، آتالار دئميشكن مئشه چاققالسيز اولماز . بوتون بونلارين چابالارينا رغمن آذربايجان ميللي اويانيش حركاتي نين كرواني باشاريلارلا اؤز يولونا داوام ائديب ائتمكده دير.
ياشاسين آذربايجان
ياشاسين آذربايجان خالقي نين ميللتچي بالالاري
ياشاسين ميللي اؤنده ريميز سايين دوقتورچاغري به ي چؤهره قانلي
خالقيميزا قورتولوش ديله يي ايله ائلشن ساريداشلي
antiallom@yahoo.com
| 
